Namorá

Bo ta namorá? Ora bo ta namorá bo ta sinti bo atraé na un hende i bo ta pensa henter dia riba e persona ei. Bo ta haña tur kos di dje tremendo.

Kiko mas bo ta ripará ora bo ta namorá?

  • Un sensashon di nèrvio.
  • Un kishikí den barika.
  • Rudia ta tembla.
  • Ménos apetit.
  • Bo no por konsentrá bon.
  • Bo ta siegu pa e partinan negativo di e persona.
  • Bo ta tímido òf turdí ora e otro ta serka di bo.

Pena di amor

Pena di amor ta miserabel. E ta kosta tempu pero bèrdat, despues di tempu lo bo sinti bo mihó. Ora bo ta sinti bo hopi miserabel, bo por papia ku un hende di konfiansa. Òf buska distraishon i hasi un kos ku bo gusta.

Film: Nan a kibra mi kurason, mi ta wak bon awó

Wak akinan kon Fabian ta konta di su kurason kibrá i su pena di amor. Kiko Fabian a hasi pa rekuperá di su kurason kibrá?

Mas tokante Amor i Konkista?

Kon mi ta pega un hende?
Mi tin un relashon pero mi gusta un otro hende. Kiko mi hasi?
Mi ta un mucha muhé di dieshete aña anto mi gusta mi mihó amiga. Ta lesbiana mi ta?