Kiko e ta?

Un kos pa tapa di rùber ku ta bisti e pénis pará. E ta wanta spèrma i asina ta protehá kontra embaraso. E ta e úniko kos ku ta protehá kontra MTS!

Kon ta us'é?

Bentaha

  • E ta protehá kontra malesa transmití seksualmente.
  • Bo no mester bai bo dòkter di kas.
  • Bo tin ku kòrda riba dje solamente ora bo ta bai hasi sèks.
  • Por kumpr'é hopi kaminda.
  • Spèrma no ta drenta vagina.

Desbentaha

  • Ménos konfiabel paso bo por hasi fout lihé.
  • E mucha hòmber ta sinti ménos ora di sèks.
  • Bisti i kita kondon ta interumpí e freimentu.
  • Bo mester us'é kada biaha ku bo hasi sèks.

Stòp ku kondon

Bo tin un relashon serio? E ora ei bo por stòp ku kondon bou di e siguiente kondishonnan: bo mester sa sigur ku niun di bosnan dos no tin un malesa transmití seksualmente (MTS). Abo òf bo pareha a yega di hasi sèks sin kondon? E ora ei bosnan a kore riesgo di pega ku un MTS. Hasi un tèst di MTS den bo besindario. Pa sa mas di esei wak na 'Konseho i Yudansa.' E mucha muhé ta bai usa pil òf un otro antikonseptivo. Asina bo ta protehá kontra embaraso si. Bosnan mester ta monógamo si: si bo hasi sèks ku un otro hende tòg bo por pega ku un malesa transmití seksualmente anto pega bo pareha. Si bo ke keda hasi sèks ku otro hende mihó bo sigui usa kondon. Bo no sa nunka si e hende ku bo sèks kuné tin un MTS si òf no. Si bo no ta usa kondon bo por pega fásil ku un MTS anto pega bo pareha.