Prikpil, pil di angua
Kiko e ta?
Un angua ku hormona ku ta protehá 12 siman di no sali na estado.
Kon ta us'é?
Un dòkter ta pasa bo e angua kada 12 siman.
Bentaha
- Bo no mester kòrda riba dje tur dia.
- Bo ta haña bo menstruashon ménos regular. Despues di un aña e por hasta stòp.
Desbentaha
- Bo mester bai dòkter kada tres luna pa e angua.
- Si e tin efekto ferfelu bo no por stòp kon ku ta.
- E hormonanan ta keda 3 luna den bo kurpa.
- Ora bo stòp ta tarda un tempu pa bo bolbe bira fèrtil i por sali na estado.
- Bo por sangra de bes en kuando.
- No ta protehá kontra malesa transmití seksualmente.
E historia di Marina (24)
""Bo sa kon dushi ta ku bo ta djis pasa un angua anto no tin nodi pensa mas tokante antikonseptivo.""
Wak tambe
Staf
E staf ta mesun grandi ku un lusafè. E ta manda hormona den bo kurpa kada dia. E por keda na su lugá 3 aña i ta protehá bo asina largu kontra embaraso.
Spiral
Ta hinka e spiral den bo matris. Un spiral hormonal ta saka hormona ku ta pone ku bo no ta sali na estado. E ta protehá bo di sali na estado sinku aña. Un spiral di koper ta pone ku un webu inseminá no ta keda pega den e ovario pa e por desaroyá. E ta protehá bo sinku te ku dies aña kontra embaraso