Kiko e ta?

Ta hinka e spiral den bo matris. Un spiral hormonal ta saka hormona ku ta pone ku bo no ta sali na estado. E ta protehá bo di sali na estado sinku aña. Un spiral di koper ta pone ku un webu inseminá no ta keda pega den e ovario pa e por desaroyá. E ta protehá bo sinku te ku dies aña kontra embaraso

Kon ta us'é?

Un dòkter ta implantá e spiral.

Bentaha

  • Konfiabel, bo no por lubidá.
  • Ta un biaha den sinku òf dies aña bo mester kòrda riba dje.
  • Esun di koper no tin hormona.
  • Esun hormonal ta hasi bo menstruashon mas kòrtiku i leve.

Desbentaha

  • E hinkamentu por hasi doló.
  • Ta un dòkter tin ku hink'é.
  • Bo no por posponé bo menstruashon.
  • Spiral no ta protehá kontra MTS.
  • Bo por sangra de bes en kuando.
  • Ku spiral di koper bo menstruashon por dura mas largu i ku hopi mas sanger.

Por haña spiral

Na botika, riba resèpt di bo dòkter di kas of ginekólogo. Pero bo dòkter di kas òf otro dòkter mes ta hink'é aden pa bo. Si bo seguro no ta kubrié , e por parse karu pero no ta asina pasombra bo ta us'é asina largu. Bo mester paga henter e suma den un biaha si, miéntras ku pil bo ta saka sèn kada tres luna.

E historia di Erica 21

""Mester remplasá spiral kada 5 aña. Mientrastantu mi no ta haña menstruashon. Dushi yu!""