Kiko e ta?

E staf ta mesun grandi ku un lusafè. E ta manda hormona den bo kurpa kada dia. E por keda na su lugá 3 aña i ta protehá bo asina largu kontra embaraso.

Kon ta us'é?

Ta hinka e staf den bo brasa. Un dòkter ku eksperensha mester hinka e staf.

Bentaha

  • Ta un biaha den tres aña bo mester kòrda riba dje.
  • Por sak'é fásil i ora hink'é e no ta hasi doló.
  • E ta hasi doló di menstruashon ménos.

Desbentaha

  • Mester laga un dòkter ku eksperensha hink'é.
  • Den kuminsamentu e por tin efekto ferfelu aserka.
  • Bo no por sa adelantá ki dia bo ta haña bo menstruashon.
  • Staf no ta protehá kontra MTS.
  • Bo por sangra de bes en kuando.

E historia di Aafje (18)

""Despues di sufri hopi aña ku doló di menstruashon awor ku staf mi no tin molèster mas.""