Bisa 'Nò'

No hasi kos ku bo no ke hasi. Tribi bisa No òf Stòp pa e otro sa kiko bo ke. Ta fásil papia pero pa bisa No òf Stòp, no ta nada fásil. 

Podisé e siguiente pasonan aki por yuda bo:

  • Bo mester konfia bo heful i pensamentu. Bo heful ta laga bo sa kiko ta bon i kiko no.
  • Pensa adelantá si bo ke hasi algu si òf no. Si bo ta duda bisa ku bo mester di tempu pa pensa.
  • Bisa No òf Stòp mesora den promé instante. Despues bo por splika dikon bo ta aktua asina.
  • Tribi di ta hopi kla den kon leu bo ke bai.
  • Bo mester ta hopi kla den kiko bo ke, pero tambe den kiko bo no ke.
  • Splika ku un par di palabra dikon bo no ke hasi algu.
  • Bo tin miedu di ofendé e otro? Hopi biaha bo por ofendé bo pareha mas tantu si bo no laga e sa bon kiko bo ke.
  • No laga nan pone bo bou di preshon. Ta bo kurpa i bo tin derecho di bisa No.

Bo a bisa Si kaba? Bo por kambia di idea i despues bisa No.
 

E historia di Withney, 18 aña

"Kasi semper mi ta na e bon lugá, pa mi por bisa No. Si mi ta na un fiesta por ehèmpel, mi por bisa fásil: ei hòmbu, nos no ta bai mas leu. Pero hopi biaha e mucha hòmber ta bisa ban den WC. Anto ami ta bisa kèns bo ta, den WC? E ora ei ta mas fásil pa ninga paso e ke bai ku bo un lugá straño."

Tep pa bisa 'Nò'

  • Wak e otro den su kara.
  • Bisa bon kla kiko bo no ke hasi.
  • Kontrolá bo kurpa su hasí, pa bo no hari ora bo bisa loke bo no ke.
  • Bisa ku poko palabra dikon bo no ke hasi un kos.
  • Vigilá reakshon di e otro.
  • Si mester, ripití loke bo a bisa.

Film: 'Nò ta nò'

Wak e film 'No ta No' pa wak kon otro mucha muhénan ta bisa 'No' ora nan no ke sigui mas.

Mas tokante Kiko mi ke??

Kiko bo por hasi pa laga sa kiko bo no ke durante sèks?
Kon bo por laga sa kiko bo gusta durante sèks?
Asina bo a bisa si, bo mester bai 'all the way'?
Mi frei ke drumi ku mi pero mi no ta kla. Kiko mi hasi?