Bo ta kla p'e?

Sèks ta dushi ora bo ta kla p'e. Na kua edat ta mihó kuminsá ku sèks ta diferente pa kada hende.
Tin ta kuminsá hopi tempran, tin ta preferá warda un tiki. Bo mester hasi sèks ora abo ta haña ku bo ta kla p'e. 

Checklist

Bo ta kla p'e? Chek ku e 5 preguntanan aki.

  1. Bo tin gana?
    Hasié ora bo mes ke di bèrdat. Bo ke sunchi i mishi ku e otro, bo gusta e otro anto ta hañ'é dushi, bo ta eksitá anto ke bai mas leu?
  2. Bo ta konfi'é?
    Bo ta sinti bo bon ku e otro anto bo konos'é bon. Bo no sa ku bo por konfi'é? Warda un tiki mas e ora ei.
  3. Ta bo mes ke?
    Bo ta hasié pa bo mes, no paso e otro ke. Òf paso bo ta kere tur otro hende a hasié kaba. Bo mester hasié ora abo ta kla p'e. E otro tambe mester ta kla p'e si.
  4. Bo ta na altura di sèks protehá?
    Bo mester sa kon protehá bo mes kontra un embaraso òf malesa transmití seksualmente. Bo sa sufisiente kon usa antikonseptivo i un kondon? Òf bo tin mas pregunta? Bo mester ta sigur di e kosnan aki promé bo kuminsá ku sèks.
  5. Bo famia òf religion tin influensha?
    Bo iglesia òf famia ta haña ku bo mester keda bírgen te matrimonio? Esaki por kompliká kos un tiki.  Pensa bon kiko abo mes ta haña importante.


 

Mas tokante E promé biaha?

Tur hende rònt di mi a hasi sèks kaba, ami so no. Ta normal ku mi no tin gana den sèks ainda?
E promé biaha ta hasi doló?