Kon sa kiko e otro ke?

Tin biaha ta difísil interpretá siñal di bo pareha. No ta semper ta bon kla ta kua deseo e tin i kon leu e ke bai, unda su límite ta. Kon pa sa anto kiko e ke i kiko e no ke?

Puntra pa klaridat

  • Tribi di puntra e otro kiko e ke i kiko e no ke.
  • Hasi bon kla pa e otro kiko abo ke.
  • Bo mester respetá deseo i límitenan di e otro.
  • E kos ta bira hopi mas dushi ora bo tene kuenta ku loke e otro ke.

Tep

  • Purba diferente kos den sèks. Asina bo ta bin haña sa kiko bosnan tur dos ta haña dushi.
  • Buska un lugá agradabel i di konfiansa pa papia di bosnan deseo i límitenan.
  • Konta e otro tambe loke bo tin gana di hasi. Asina bo ta hasi e kos ménos negativo pa e otro.
  • Bosnan tur dos ta responsabel pa loke bosnan ta haña dushi i loke no. Ke men bosnan tur dos mester tene kuenta ku siñalnan di otro.

E historia di Jill, 21 aña

"Bo mester respetá un hende muhé komo hende muhé i trat'é manera un hende muhé. Anto ora un muhé duna boka ku e no ke un kos, bo no mester hasié tòg òf oblig'é.  E ora ei, sigun mi, e muhé ta sinti su mes menasa i no seif."

E historia di Fay, 19 aña

"Mi ta haña ku bo no por obligá un hende hasi sèks. Un mucha muhé tambe tin su opinion anto e sa kiko e ke. Si e no ke, ta ke e no ke!"

Mas tokante Kiko e otro ke??

Kon mi ta ripara kiko mi frei gusta i kiko no?
Kiko hasi ora mi ripara ku mi frei ta duda?