Siñal di Si òf Nò

Purba chek e siñalnan ku bo ta haña serka bo pareha dor di puntr'é.

Siñal di Nò

E siñalnan aki e otro por duna ora e ke men No:

  • E otro no ta sunchi bo bek.
  • E otro ta drai su kurpa for di bo.
  • Kada bes e otro ta bin ku esküs pa no hasi sèks.
  • Kasi semper ta abo ta tuma inisiativa.
  • Ora bosnan ta hasi sèks ta parse ku e otro no ta pasa dushi òf no ta masha eksitá.

Siñal di Si

E siñalnan aki e otro por duna ora e ke men SI:

  • E otro ta buska bo wowo pa wak i ta basilá ku bo.
  • E otro gusta mishi ku bo.
  • E otro ta tuma inisiativa i ta purba sedusí bo.
  • Bo ta mira bon ku e otro ta pasa dushi i ta eksitá.

Tene kuenta ku duda

Tin biaha un SI por kambia bira un NO masha lihé. Tin biaha un hende ke men No ora nan a bisa Si. Tin biaha e otro ke sunchi si, pero no hasi sèks. Ke men keda bon pendiente di e siñalnan ku bo pareha ta purba duna bo.

E historia di Dylan, 22 aña

"Mi ta kere ku ora tin duda bo mester wanta. Ora e mucha no ta laga bo sa bon kla si e ke òf no. Bo por pensa ku lo e ke mesun kos, pero bo por ta robes."

E historia di Adam, 20 aña

"Podisé e otro ta bírgen ainda, òf e no a bai masha leu ainda, e ora ei ta importante pa dun'é tur  tempu ku e mester. Bo mester por papia di e kosnan ei si, mi ta haña. Òf bo por purba komuniká ku bo kurpa. Pero bo mester keda pendiente si, si e otro ta sinti su mes bon si òf no."

Mas tokante Kiko e otro ke??

Kon mi ta ripara kiko mi frei gusta i kiko no?
Kiko hasi ora mi ripara ku mi frei ta duda?