Tuma bo deseo na serio

Bo mes sa kiko bo ke? Keda puntra bo mes: mi ta sinti mi bon ku e kos aki? Bo ta hañ'é dushi? Si bo ta sinti bo bon i bo ta hañ'é dushi no tin niun problema. 

Kiko bo mester hasi ora e kos no ta sinti bon? Ora bo no ta hañ'é dushi? Bo mester bisa bo partner, ounke ta ferfelu.

Ta normal ku tin kos ku bo no tin gana di hasi. Den bo relashon bo mester laga sa bon kla kiko si bo ke i kiko bo no ke. Bo pareha mester respetá esei i sigur no mester fòrsa bo òf chantagiá bo. 

E historia di Mila, 17 aña

"Ora mi bebe, mi ta sòru pa mi no bira fuma. Anto mi no ta usa droga paso mi sa ku droga por afektá kon lihé mi ta reakshoná i kon mi por disidí. Mi sa ku e ora ei mi por hasi un kos ku despues mi ta haña duele di dje."

E historia di Jade, 21 aña

"Ora mi ta bai un date, mi ta pensa bon adelantá, kon leu mi ta bai? Paso e ora ei tur kos ta parse bon, pero aworó no ta asina mas, ke men ku mi ta bai topa un mucha hòmber anto mi no konosé dje bon ei, anto mi no ke nada kuné, mi no ta bai masha serka òf mi no ta sinta den su skochi. E kosnan ei."

Tep

  • Papia ku bo amigu i amiganan tokante kiko bo ke òf kiko bo no ke. Puntra nan kon nan ta dil kuné.
  • Mas tantu bo papia ku bo partner, mas fásil papia kuné ta bira. Papia di sèks por ta dushi tambe.
  • Bisa hopi kla kiko bo ke i kiko bo no ke. No tete masha pero bisa No òf Stòp mesora. Asina e otro ta sa kiko ta bo límite.

Film Jenifer

Akinan bo por wak e videonan di Jennifer ku ta mustra kon e ta laga su mes deseonan prevale ora ta trata di relashon i seksualidat. Jennifer ta hasi su mes eskohonan na momentu ku e ta bai hasi sèks.

Film Nehemia

Akinan bo por wak e videonan di Nehemia ku ta mustra kon e ta laga su mes deseonan prevale ora ta trata di relashon i seksualidat. Nehemia tambe ta hasi su mes eskohonan na momentu ku e ta bai hasi sèks.

Mas tokante Kiko mi ke??

Kiko bo por hasi pa laga sa kiko bo no ke durante sèks?
Kon bo por laga sa kiko bo gusta durante sèks?
Asina bo a bisa si, bo mester bai 'all the way'?