Kon sa si mi ta na estado?

Kon sa si mi ta na estado?

Warda numa te ora bo mester haña bo menstruashon, ke men bira ongesteld. Promé ku esei no tin manera pa sa si bo ta na estado si òf no.

Bo por:

  • Haña doló na pechu.
  • Sinti bo kansá.
  • Sinti walmentu di stoma.
  • Keda sin haña bo menstruashon, òf pèrdè djis un tiki sanger.

Tèst di embaraso: Kiko e ta?

Bo ke sa si bo a sali na estado? Awèl hasi un tèst di embaraso. Bo por hasié for di e dia ku bo mester a haña bo menstruashon. Bo por kumpra e tèst na botika i na Hulanda den supermarket tambe. Bo dòkter di kas tambe por hasi e tèst pa bo òf na Kòrsou Famia Plania.

Tep:

  • Bo mester warda te ora bo dia di menstruashon yega pa bo por hasi un tèst di embaraso. Pero kasi mesora despues di sèks no protehá bo por usa mornig-afterpil of e spiral morning-after.
  • Awor tin tèst di embaraso ku por laga bo sa for di sinku dia promé ku bo dia di menstruashon si bo ta na estado si òf no.
  • Kiko hasi si bo a sali na estado? Lesa e sekshon 'M'a sali na estado. Kiko awor?' 
Tèst di embaraso: Kiko e ta?

Tèst di embaraso. Kon ta hasié?

Por kumpra un tèst di embaraso na botika, na Hulanda tambe den supermerkado i na Kòrsou na Famia Plania i e ta fásil pa bo mes hasi. Bo por hasi un tèst di embaraso for di e promé dia ku bo menstruashon mester a kuminsá.

E pasonan:

  1. Pone e pida karton di e tèst den bo urina.
  2. Ta preferibel usa urina di mainta.
  3. Pone e tèst di embaraso plat abou, manera riba un mesa.
  4. Despues di algun minüt bo por mira e resultado.

E pasonan aki por varia ku kada tipo di tèst. Lesa e instrukshon.
 

Siklo di menstruashon

Wak akinan kon e siklo di menstruashon ta, i na kua momento di luna e mucha muhé ta mas fèrtil i tin e chèns di mas grandi di sali na estado.

Siklo di menstruashon
Kon mi por sa si ma sali na estado?
Mi no a haña mi menstruashon? Na estado mi ta?
Unda mi por kumpra un tèst di embaraso?