Kondon, ta kiko e ta?

Kondon ta e úniko protekshon kontra malesa transmití seksualmente.

Kon e ta traha?

Un kondon ta manera un pèchi smal di plèstik ku ta bisti riba e pénis den erekshon. Kondon ta fangu spèrma i ta protehá kontra embaraso i malesa transmití seksualmente.

Check ku bo kondon ta bon:

  • Na Hulanda, tin e logo CE riba e paki?
  • E fecha di vensementu no a pasa kaba?
  • E paki no ta kibrá?

E ora ei e kondon ta seif i bo por konfi'é. 

Diferente sorto

Tin diferente sorto di kondon:

  • Kondon ku smak.
  • Kondon di diferente tamaño: hopi grandi òf chikí.
  • Kondon masha fini.
  • Kondon pa hasi prèt ku figura. Nan ta prèt pa wak, pero no ta protehá kontra malesa transmití seksualmente òf embaraso.
  • Kondon pa hende muhé. Esaki ta un kondon ku mester hinka den vagina. Akinan bo por lesa mas tokante e kondon pa hende muhé.
Diferente sorto

E historia di Jermain, 24

"Ami di mes ta usa kondon den kuminsamentu, paso nunka mi no tabatin malesa anto mi ke tene asina tambe. Ke men den promé semper ku kondon anto ora mi mira ku e kos ta bai, òf nos tur dos ta haña  e kos ta bai bon nos ta bai kontrolá. E ora ei si mi ta laga kondon para."

E historia di Gregory, 22 aña

"Sèks ku kondon no ta dushi pero mester hasié. Ora mi frei guli pil anto nos tur dos a kontrolá pa malesa transmití seksualmente nos por hasi sin kondon. Si bo ta den un relashon serio anto bosnan no ta kòrta otro su orea, anto bo sa sigur ku bosnan niun di dos no tin un malesa, bo por bai sin kondon. Pero tin hende ku no ta masha fiel anto lo ta mas sigur pa usa un kondon tòg den relashon serio."

Ta bèrdat ku tin biaha e kondon no ta pas?
Mi ta haña sèks sin kondon mas dushi. Kon mi por hasié tòg sin riesgo?