Kua tipo di antikonseptivo tin?

Tin diferente tipo di antikonseptivo, kada un ku nan bentaha i desbentahanan. Wak den e skema aki pa un totalidat di e tiponan mas usá.

Pil, òf píldora

Kon e ta traha?

Un píldora chikí ku ta laga hormona lòs den bo kurpa

Kon pa us’é?

Tur dia un pil
Na final di un siklo bo ta keda sin bebe un siman largu

E siman ei bo ta haña bo menstruashon pero ta protehá kontra embaraso.

Kiko ta su bon i su malu?

Bentaha:
- bo sa presis ki ora bo ta haña bo menstruashon
- bo por posponé bo dia di haña menstruashon

Desbentaha:
- bo por lubidá di guli e pil
- pil no ta protehá kontra malesa transmití seksualmente (MTS)

Spiral

Kon e ta traha?

Ta hinka e spiral den bo matris.
Un spiral hormonal ta saka hormona ku ta pone ku bo no ta sali na estado. E ta protehá bo di sali na estado sinku aña.
Un spiral di koper ta pone ku un webu inseminá no ta keda pega den e ovario pa e por desaroyá.
E ta protehá bo sinku te ku dies aña kontra embaraso

Kon pa us’é?

Un dòkter ta implantá e spiral.

Kiko ta su bon i su malu?

Bentaha:
- konfiabel, bo no por lubidá
- ta un biaha den sinku òf dies aña bo mester kòrda riba dje
- esun di koper no tin hormona
- esun hormonal ta hasi bo menstruashon mas kòrtiku i leve

Desbentaha:
- e hinkamentu por hasi doló
- ta un dòkter tin ku hink'é
- bo no por posponé bo menstruashon
- Spiral no ta protehá kontra MTS
- Bo por sangra de bes en kuando.
- Ku spiral di koper bo menstruashon por dura mas largu i ku hopi mas sanger

Prikpil, Pil di angua

Kon e ta traha?

Un angua ku hormona ku ta protehá 12 siman di no sali na estado.

Kon pa us’é?

Un dòkter ta pasa bo e angua kada 12 siman

Kiko ta su bon i su malu?

Bentaha:
- Bo no mester kòrda riba dje tur dia
- Bo ta haña bo menstruashon
ménos regular. Despues di un aña e por hasta stòp.

Desbentaha:
-Bo mester bai dòkter kada tres luna pa e angua
-Si e tin efekto ferfelu bo no por stòp kon ku ta
- E hormonanan ta keda 3 luna den bo kurpa
- Ora bo stòp ta tarda un tempu pa bo bolbe bira fèrtil i por sali na estado
- Bo por sangra de bes en kuando.
- No ta protehá kontra MTS

Staf

Kon e ta traha?

E staf ta mesun grandi ku un lusafè. E ta manda hormona den bo kurpa kada dia. E por keda na su lugá 3 aña i ta protehá bo asina largu kontra embaraso

Kon pa us’é?

Ta hinka e staf den bo brasa. Un dòkter ku eksperensha mester hinka e staf.

Kiko ta su bon i su malu?

Bentaha:
- Ta un biaha den tres aña bo mester kòrda riba dje
- Por sak'é fásil i ora hink'é e no ta hasi doló
- E ta hasi doló di menstruashon ménos

Desbentaha:
- Mester laga un dòkter ku eksperensha hink'é
- Den kuminsamentu e por tin efekto ferfelu aserka
- Bo no por sa adelantá ki dia bo ta haña bo menstruashon

Renchi

Kon e ta traha?

Un renchi di plèstik ku por dobla ku ta bai den vagina. E renchi ta saka hormona ku ta protehá bo un luna kontra embaraso

Kon pa us’é?

Bo mes por hink'é den bo vagina manera un tampon. Despues di tres siman bo por sak' e. E ora ei ta bin un siman sin renchi den kua bo ta haña bo menstruashon
pero ta keda protehá.

Kiko ta su bon i su malu?

Bentaha:
- Ta dos biaha pa luna bo mester kòrda riba dje
- Bo por posponé bo dia di menstruashon
- bo no ta mir'é

Desbentaha:
- Bo por lubidá di hinka un nobo despues di kuater siman
- E no ta protehá kontra MTS

Pleister

Kon e ta traha?

Un pleister fini i chikí ku ta saka hormona.

Kon pa us’é?

Bo ta plak e pleister riba bo kueru. Por tur kaminda eksepto bo pechunan i bèl di pia. Bo ta plak e un dia pa siman, tres siman largu. E di kuater siman bo no tin nodi di plak. E siman ei bo ta haña bo menstruashon pero ta protehá si.

Kiko ta su bon i su malu?

Bentaha:
- Un biaha pa siman so mester kòrda riba dje
- Bo por posponé bo menstruashon
- Bo sa presis ki dia bo ta haña bo menstruashon

Desbentaha:
- Bo por lubidá di plak e pleister
- Otro hende por mira e pleister
- E no ta protehá kontra MTS.

Kòndòn

Kon e ta traha?

Un kos pa tapa di rùber ku ta bisti e pénis pará. E ta wanta spèrma i asina ta protehá kontra embaraso. E ta e úniko kos ku ta protehá kontra MTS

Kon pa us’é?

Primi akinan pa un video di instrukshon

Kiko ta su bon i su malu?

Bentaha:
- E ta protehá kontra MTS
- Bo no mester bai bo dòkter di kas
- Bo tin ku kòrda riba dje solamente ora bo ta bai hasi sèks
- Por kumpr'é hopi kaminda
- Spèrma no ta drenta vagina

Desbentaha:
- Ménos konfiabel paso bo por hasi fout lihé
- E mucha hòmber ta sinti ménos ora di sèks
- Bisti i kita kondon ta interumpí e freimentu
- Bo mester us'é kada biaha ku bo hasi sèks

Mi no ta kontentu ku pil. Ki otro manera tin?

Lesa e kontesta

Ma lubidá di bebe mi pil? Kiko mi hasi?

Lesa e kontesta