Pil i spiral Morning-after

Pil i spiral Morning-after

Bo a hasi sèks sin protekshon anto bo no ke sali na estado, bo por bebe un morning-afterpil den 72 ora. Por haña e pil aki na botika òf bo dòkter di kas. Si bo logra bebe e pil promé ku 24 ora e chèns di sali na estado ta hopi mas chikí.

Bo por laga bo dòkter di kas pone un spiral morning-after tambe. Esaki por entre di kuater i di sinku dia ku bo a hasi sèks sin protekshon. E spiral ta evitá ku e simia ta mara. 

Bo tabata sa ku kasi un den kada dies hóben, hòmber òf muhé, a yega di eksperensia un embaraso no plania òf no deseá. Bo por evitá esaki usando antikonseptivo, kosnan pa prevení embaraso. 

Kiko Morning-after Pil ta?

Un píldora ku bo por guli si bo tabata tin sèks no protehá. E chèns pa sali na estado ta bira hopi chikí e ora ei.

Kiko Morning-after Pil ta?

Unda ta kumpr'é?

Por kumpra e pil na botika. Morning-afterpil ta kosta 15 euro na Hulanda. Si bo hañ'é via bo dòkter di kas, seguro ta kubri e gastunan na Hulanda. Na Kòrsou seguro di kuido médiko básiko no ta kubri morning-after-pil, bo mes mester paga p'e. Famia Plania tin e na bon preis. 

Kon us’é?

Ta un tablèt ku mester guli den 72 ora despues di e sèks no protehá. Si bo gulié den 24 ora, bo tin e chèns di mas grandi di no sali na estado.

Can You Fix It? Morning After

Hunga e wega 'Can You Fix It?'. Intervení ora nan no skucha bo deseonan òf nan pasa riba bo límitenan. 

Primi akinan pa bai "Can You Fix It?' i buska  'Morning After'!