Ora bo deskubrié

Por ta masha dushi konta otro hende di bo sentimentunan pa un mucha hòmber òf mucha muhé . Pero por ta difísil papia di nan tambe. Bo por sinti bo bruá. Podisé bo ta kere ku abo ta e úniko? Òf bo ta tende hende papia yen kos mahos di hendenan ku ta homoseksual? No preokupábo. Bo no ta e úniko. Anto homoseksualidat no ta nada malu ke men nada no falta bo tampoko.

Kiko hasi?

Si tin un kos ta preokupá bo, papia ku un hende ku por yuda. Bo por papia ku un hende di  konfiansa òf un profeshonal. Manera:

  • Na skol: un interne begeleider, vertrouwenpersoon òf bo mentor por yuda bo pensa òf kontesta bo preguntanan.
  • Dòkter di kas: bo dòkter di kas por kontesta bo preguntanan tokante homo- òf biseksualidat. Si mester e por manda bo un otro profeshonal.

Kiko hende ta pensa?

E historia di Rosalin, 18 aña

"Si bo ta respetá bo mes kurpa, si bo ta respetá bo amiganan, bo mester por respetá hende ku no ta manera bo. Manera gainan ku no gusta muhé òf mucha muhénan ku no gusta hòmber."

E historia di Maurik, 28 aña

"Ami ta un hende religioso, ofishalmente kasá anto mi tin tres yu. Mi kasá ku mi yunan ta biba na Aruba. Bunita isla ku ta haña masha hopi turista mes. Den high season bo ta kana trompeká riba yen bon bòdi na laman. Mi kasa sa ku mi a yega di tin sèks ku hòmber, ku ma esta namorá di un hòmber un biaha pero esaki ta hasi mi biseksual? Loke ta konta ta e konekshon entre e hòmber i e muhé: si tin aseptashon manera entre ami ku mi kasá, dikon mester bai yama mi bi òf homoseksual? No ta tur hende ta open minded. Basta bo hasi sèks protehá nada no a pasa."

Mas tokante Lesbiana, homo, bi i heteroseksual?

Mi ta un mucha muhé di dieshete aña anto mi gusta mi mihó amiga. Ta lesbiana mi ta?
Mi ta un mucha hòmber di dieshete aña anto mi gusta mi mihó amigu. Ta homoseksual mi ta?