Papia ku bo pareha

Papia tokante antikonseptivo ku bo pareha promé ku bosnan hasi sèks. Hasi sèks huntu ke men tambe skohe un antikonseptivo huntu. Kòrda protehá bo mes si bo no ke sali na estado òf pega ku un malesa transmitié seksualmente, MTS.

Bo tin mas di tres luna relashon ku bo pareha anto bosnan ke frei sin kondon? Kuminsá pensa na hasi un tèst pa MTS. Bo mester ta sigur si ku bosnan tur dos ta fiel, ke men no ta bai drumi ku niun otro hende. Ta despues di tres luna por detektá un malesa transmití seksualmente den bo kurpa. Pero pa evitá sali na estado mester keda usa un tipo di antikonseptivo si.

Tep pa mucha hòmber

  • Puntra e mucha muhé kua tipo di antikonseptivo e ke usa.
  • Papia tokante kondon promé ku kos bai leu.
  • Yuda e mucha muhé prevení sali na estado.

Tep pa mucha muhé

  • Papia ku bo pareha tokante uso di antikonseptivo i kondon.
  • Pensa un triki pa bo no lubidá di bebe bo pil. Skohe e momento di un kos ku bo ta hasi tur dia. Bo por pone e pil banda di bo skeiru di djente òf make-up pa bo kòrda.
  • Si bo tin pregunta puntra bo dòkter di kas, Famia Plania òf Sense. Bo no mester di tin bèrgwensa.
Ma lubidá di bebe mi pil? Kiko mi hasi?
Mi no ta kontentu ku pil. Ki otro manera tin?